Dreuchdan Bàna

Picture: The living-wage employer logo which reads "We are a living wage employer".
Tha Bòrd na Gàidhlig na Fhastaiche a bhios a’ cur air adhart Co-ionannachd Chothroman. Mar as trice thèid luchd-obrach fhastadh air sàillibh an eòlais is nan comasan a th’ aca a thaobh nan obraichean a tha gan sanasachd. Tha sinn ag iarraidh cothroman co-ionann a thoirt do dhaoine, agus cuiridh sinn fàilte air luchd-iarrtais bho gach raon den chomann-shòisealta. Ma tha neach-iarrtais ann a tha ciorramach, a tha a’ coileanadh riatanasan na dreuchd, gheibh iad agallamh.
Is dòcha nach bi e comasach do leughadair-sgrìn cuid de na PDFan air an duilleag seo a leughadh. Ma tha gin de na sgrìobhainnean seo a dhìth oirbh ann an cruth eile, nach cuir sibh post-d gu oifis@gaidhlig.scot.

(Preantas) Neach-taic Gnothachais

Bidh an neach a gheibh an dreuchd seo a’ toirt taic gnothachais, a’ gabhail a-steach taic rianachd, conaltraidh agus pròiseict, a thoirt do Bhòrd na Gàidhlig fhad is a leasaichear na bun-sgilean seo tro eòlas-obrach agus teisteanasan. Bidh an neach a thèid fastadh a’ dèanamh theisteanasan ann an Rianachd Gnothachais agus Leasachadh na Gàidhlig aig UHI a Tuath, an Iar is Innse Gall agus cuiridh Bòrd na Gàidhlig taic ris an neach gus na teisteanasan seo a choileanadh.

Gheibhear tuairisgeul obrach slàn an seo.

 

Cùmhnant: Teirm-shuidhichte 2 bhliadhna

Uairean-obrach: 35 uairean san t-seachdain

Àite-obrach: Steòrnabhagh, Eilean Leòdhais

Tuarastal: A3 – £27,164 – £30,281

Ceann-là airson tagraidhean: 5f air Diciadain, 29/07/26

Ceann-là nan agallamhan: Dimàirt, 04/08/26

 

Gus tagradh a dhèanamh, lìon am Foirm-iarrtais Cosnaidh agus am Foirm-sgrùdaidh Co-ionannachd agus cuir iad sin, còmhla ri litir-chòmhdaich, gu corporra@gaidhlig.scot.

Fiosrachadh mu Phrìobhaideachd – Trusadh is Cosnadh

Fiosrachadh mu Phrìobhaideachd – Trusadh is Cosnadh

Foirmichean-iarrtais