Cathraiche Ùr Bhòrd na Gàidhlig

An-diugh, tha an t-Ollamh Raibeart Dunbar air tòiseachadh ann an dreuchd Cathraiche Bhòrd na Gàidhlig.

Rugadh is thogadh Raibeart ann an Canada agus tha ùidh mhòr air a bhith aige ann an leasachadh na Gàidhlig agus ann an litreachas is cultar na Gàidhlig fad a bheatha. Tha e air a bhith na Ollamh Ceiltis aig Oilthigh Dhùn Èideann bhon Ògmhìos 2013 gus ‘s e sàr eòlaiche a th’ ann air lagh is poileasaidh shluaghan mion-chànain. Tha e na eòlaiche air Comhairle na h-Eòrpa a thaobh chùisean mion-chànain agus, bhon Ghearran 2023, tha e air a bhith na bhall de Chomataidh Eòlaichean na Cairte Eòrpaich son Cànain Sgìreil is Mion-chànain, cùmhnant le Comhairle na h-Eòrpa. Tha Rabairt air obair a dhèanamh còmhla ri Coimisean Venicena Comhairle Eòrpaich a thaobh lagh cànain is poileasaidh cànain cuideachd agus tha e tric air stiùireadh a thoirt do riaghaltasan, buidhnean poileasaidh cànain is NGOan mu reachdas mhion-chànain.

Choisinn Raibeart PhD bho Oilthigh Dhùn Èideann mu bheatha is dàin shaoghalta Iain MhicIlleathain (1787-1848), am bàrd à Tiriodh is Alba Nuadh, a thuilleadh air LL.M bho Sgoil Eaconamais Lunnainn, LL.B bho Sgoil Lagha Thalla Osgoode, Toronto is BA bho Oilthigh Thoronto.

Chaidh an t-Ollamh Raibeart Dunbar a chur an dreuchd le Dreuchdan Poblach na h-Alba gu 1mh Faoilleach 2030.