Taic Freumhan Coimhearsnachd 2027-29

Tha Bòrd na Gàidhlig air ath-fhosgladh sgeama Taic Freumhan Coimhearsnachd, a’ tabhann chothroman maoineachaidh do phròiseactan Gàidhlig ann an coimhearsnachdan. Tha taic ri fhaighinn do phròiseactan airson suas ri dà bhliadhna agus thathar cumail taic ri daoine fath leth a bharrachd air buidhnean coimhearsnachd.

Gheibhear suas ri £12,000 (£6,000 sa bhliadhna) airson taic a chumail ri phròiseactan a tha cumail taic ri:

• Tachartasan Gàidhlig sa choimhearsnachd agaibh is air-loidhne
• Pròiseactan is cothroman a tha a’ brosnachadh dhaoine òga a’ Ghàidhlig a chleachdadh còmhla taobh a-muigh na sgoile
• Pròiseactan a tha brosnachadh cleachdadh na Gàidhlig am measg theaghlaichean is eadar ginealaichean
• Ionnsachadh inbhich Gàidhlig sa choimhearsnachd
• Colmcille – Togail cheanglaichean eadar luchd-labhairt na Gàidhlig is Gaeilge

Thathar an dùil gur e cuairt-mhaoineachaidh farpaiseach a bhios ann, le buidseat iomlan aig ìre £100,000 sa bhliadhna (a-rèir dearbhadh air buidseat BnG airson 2027/28).

Airson barrachd ionnsachadh mu sgeama thabhartasan Taic Freumhan Coimhearsnachd agus na cothroman maoineachaidh leudaichte a th’ ann, tadhailibh air duilleag fiosrachaidh na sgeama neo cuir fios thugainn aig tabhartas@gaidhlig.scot.

Lorgar fiosrachadh mu na sgeamaichean maoineachaidh eile againn air ar làrach-lìn cuideachd.