Mu Ar Deidhinn

’S e Bòrd na Gàidhlig a’ phrìomh bhuidheann phoblach ann an Alba ris a bheil e an urra cor na Gàidhlig a thoirt air adhart agus mar phàirt de sin bidh sinn a’ toirt comhairle do Mhinistearan na h-Alba air cùisean Gàidhlig.

 Air a stèidheachadh fo Achd na Gàidhlig (Alba) 2005 (An Achd) ’s e Bòrd na Gàidhlig a’ phrìomh bhuidheann ann an Alba air a bheil dleastanas gus leasachaidhean Gàidhlig a chur air adhart agus gus comhairle a thoirt do Mhinistearan na h-Alba mu chùisean Gàidhlig.

Fo chumhachan na h-Achd, thathar ag iarraidh air Bòrd na Gàidhlig a dhleastanasan a thoirt gu buil leis an amas inbhe na Gàidhlig a dhèanamh tèarainte mar chànan oifigeil ann an Alba, a bhios a’ dleasadh na h-aon spèis agus a th’ ann don Bheurla.

Ar Modhan Obrach

  • A’ brosnachadh innleachdas
  • A’ togail chom-pàirteachasan
  • Tha sinn fosgailte is cunntachail
  • A’ cur theachdaireachdan taiceil is brosnachail air adhart
  • A’ faighinn luach an airgid bho ar cuid ionmhais
  • A’ dèanamh cho-dhùnaidhean stèidhichte air fianais dhearbhte
  • A’ dèanamh cinnteach gu bheil riaghladh corporra math ga chur an sàs
  • A’ cur deagh mhodhan-obrach an sàs
  • Ag ionnsachadh bho chàch

Ar Luchd-compàirt

  • An Riaghaltas agus na Buidhnean aige
  • Ùghdarrasan is Buidhnean Foghlaim
  • Buidhnean Eaconamach, Cultarach is Leasachadh Turasachd
  • Buidhnean Mheadhanan, Cruthachail is Dualchais
  • Buidhnean Gàidhlig
  • Iomairtean
  • Buidhnean Coimhearsnachd
  • Daoine Fa Leth

Ar Lèirsinn

Gum bi a’ Ghàidhlig air a faicinn is air a cluinntinn gu làitheil air feadh Alba, chun na h-ìre ’s gum bi i air a h-aithneachadh mar phàirt bunaiteach de bheatha muinntir na h-Alba agus mar chànan prìseil a tha a’ cur ri cultar is eaconamaidh na dùthcha.

Na bhios sinn a’ dèanamh

  • Ag ullachadh a’ Phlana Cànain Nàiseanta Ghàidhlig agus a’ co-òrdanachadh coileanadh a’ Phlana sin
  • A’ toirt stiùireadh do mar a thèid Planaichean Gàidhlig nan Ùghdarrasan Poblach ullachadh is a chur an gnìomh
  • A’ foillseachadh stiùireadh reachdail gus foghlam Gàidhlig a thoirt air adhart
  • A’ toirt comhairle do Mhinistearan Riaghaltas na h-Alba air cùisean Gàidhlig
  • A’ toirt seachad maoineachadh gus Gàidhlig a thoirt air adhart
  • A’ toirt stiùireadh is comhairle seachad mar thaic do dh’iomairtean Gàidhlig
  • A’ stèidheachadh is a’ lìbhrigeadh phròiseactan is iomairtean
  • A’ cur na Gàidhlig air adhart gu h-ionadail, gu nàiseanta agus gu h-eadar-nàiseanta
  • A’ toirt fa-near do is a’ frithealadh air feumalachdan nan coimhearsnachdan