Chruthaich Bòrd na Gàidhlig is com-pàirtichean an iomairt Cleachdi air chor ’s gum faod luchd-bruidhne na Gàidhlig air feadh na dùthcha a bhith nas fhaicsinniche ri càch a chèile agus gus cleachdadh na Gàidhlig ann an àitichean poblach a bhrosnachadh.
Mar phàirt den iomairt seo agus gus barrachd daoine a bhrosnachadh gus tachartasan Gàidhlig a frithealadh, chruthaich Bòrd na Gàidhlig an làrach-lìn www.cleachdi.scot. Air an làraich-lìn seo, lorgar fiosrachadh mu thachartasan, chlubaichean is bhuidhnean Gàidhlig agus cothroman do dhaoine tighinn còmhla gus Gàidhlig a chleachdadh.
Faodaidh daoine an làrach-lìn a chleachdadh an-asgaidh gus tachartasan a lorg, agus chan eil cosgaisean an lùib dha na buidhnean a tha airson tachartasan a shanasachd a bharrachd.
Làrach-lìn Cleachdi
Òrdaichibh goireasan Cleachdi
Tha bathar Cleachdi ann dha daoine is buidhnean gus sealltainn gu bheil sibh deònach Gàidhlig a bhruidhinn agus tha e ri fhaighinn an-asgaidh. Faodar suas ri 10 lainneardan, bràistean agus postairean A5 agus suas ri 20 steigear agus 5 steigearan uinneige òrdachadh tron làrach-lìn Cleachdi cuideachd.
Airson òrdughan nas motha, no ma tha ceist sam bith agaibh, cuiribh fios gu Comhairle nan Leabhraichean air 0141 337 6211 no aig brath@gaelicbooks.org.
Na Meadhanan Sòisealta
Tha fiosrachadh mu tachartasan Gàidhlig air a cho-roinn air duilleagan meadhanan sòisealta cuideachd;
Goireasan air-loidhne
A’ cleachdadh suaicheantas Cleachdi
Tha fàilte air duine sam bith suaicheantas #Cleachdi a chleachdadh. Bhitheamaid nur comainn nan leanadh sibh stiùireadh-bhrannd Cleachdi ge-tà.
Ionnsaich Gàidhlig
Ma tha thu ag iarraidh Gàidhlig ionnsachadh, tadhailibh air làrach-lìn LearnGaelic no làrach-lìn SpeakGaelic airson ghoireasan air-loidhne, liosta de chlasaichean air feadh Alba agus goireasan ionnsachaidh a lorg.
#CleachdiAigAnTaigh
Chaidh an iomairt #CleachdiAigAnTaigh a chruthachadh gus cleachdadh na Gàidhlig aig an taigh a bhrosnachadh. Lorgar barrachd fiosrachaidh mun iomairt an seo.